រំបក​គំហើញ​ទ្រឹស្តីជោគជ័យ!​

ការសិក្សាមួយ ក្នុងឆ្នាំ ២០០៩ ធ្វើឡើងដោយ សមាគម Kauffmanក្នុងសហរដ្ឋអាមេរិកបានរកឃើញថាមានកត្តាទូទៅចំនួនបីដែលជួយឲ្យសហ

គ្រិនទទួលបានជោគជ័យ ។ កត្តាទាំងបីនោះ រួមមាន បទពិសោធន៍ ការ

គ្រប់គ្រង និងសំណាង។ការសិក្សានេះ ផ្អែកលើការស្ទាបស្ទង់មតិទៅលើ

បណ្ដាស្ថាបនិកក្រុមហ៊ុនចំនួន ៥៤៩ លើមុខជំនួញផ្សេងៗគ្នា ដែលរាប់

បញ្ចូលដូចជា កុំព្យូទ័រ និងអេឡិចត្រូនិក តំហែទាំសុខភាព និងសេវាកម្ម។

បទពិសោធន៍

របាយការណ៍របស់ Kauffman បានចង្អុលបង្ហាញថា ៩៦% នៃស្ថាបនិកក្រុមហ៊ុនទាំងអស់ ចាត់ទុកបទពិសោធន៍ជាកត្តា “សំខាន់” ក្នុងការកំណត់ជោគជ័យ និង ៥៦% ចាត់ទុកបទពិសោធន៍ជាកត្តា ”សំខាន់បំផុត”។ប្រហែល៨៨នៃអ្នកផ្ដល់ចម្លើយបានប្រាប់ថាការសិក្សាពីបទពិសោធន៍ជោគជ័យនាពេលកន្លង

មកបានរួមចំណែកដល់ជោគជ័យរបស់ពួកគេក្នុងពេលបច្ចុប្បន្នខណៈ៧៨%ផ្សេងទៀតថា ជោគជ័យបាន

មកពីការសិក្សាលើបរាជ័យនាពេលកន្លងមក។

ការគ្រប់គ្រង

ការសិក្សាដដែលបានបង្ហាញទៀតថា ៨២% នៃសហគ្រិនបានឲ្យដឹងថា ផ្នែកគ្រប់គ្រងគឺ “សំខាន់” ដើម្បីឲ្យការងាររបស់គេជោគជ័យ ខណៈ ៣៥% ផ្សេងទៀតហៅផ្នែកគ្រប់គ្រងថា “សំខាន់បំផុត”។

សំណាង

សំណាងជាផ្នែកចុងក្រោយដើម្បីឲ្យសហគ្រិនទទួលបានជោគជ័យ។ ការសិក្សានេះ ក៏បានបង្ហាញថា ៧៣% ឆ្លើយថា សំណាងគឺជាកត្តា “សំខាន់” និង ២២% ចាត់ទុកសំណាងថា “សំខាន់បំផុត”។

ក្រៅពីកត្តាទូទៅទាំងបីដែលកំណត់ជោគជ័យទៅលើមុខ ជំនួញរបស់សហគ្រិន ហើយ ការសិក្សារបស់ Kauffmanក៏បានរកឃើញថា ឧបសគ្គមួយចំនួនដែលរាំងស្ទះសហគ្រិនមិនឲ្យចាប់ផ្ដើមអាជីវកម្មដោយ

ខ្លួនឯងព្រោះពួកគេ មិនហ៊ានប្រថុយប្រថាន កង្វះពេលវេលា និងការខិតខំប្រឹងប្រែង និងចុងក្រោយគឺកត្តា

ថវិកា។ លើសពីនេះទៅទៀត កត្តាការអប់រំគឺរឹតតែសំខាន់ដើម្បីជួយឲ្យជំនួញមួយទទួលបានជោគជ័យ៕

ប្រែសម្រួល៖ សីហា

ប្រភព៖ Entrepreneur Guides