ឃ្លាំងគំនិតសម្រាប់កូនខ្មែរ: ទង់ជាតិនៃព្រះរាជាណាចក្រកម្ពុជា

ទង់ជាតិនៃព្រះរាជាណាចក្រកម្ពុជា បច្ចុប្បន្ននេះត្រូវបានដាក់ឱ្យប្រើប្រាស់ជាផ្លូវការ នៅឆ្នាំ ១៩៩៣ បន្ទាប់ពីការបោះឆ្នោត ។ ទង់ជាតិនៃព្រះរាជាណាចក្រកម្ពុជា បានរចនាឡើងតាំងពី ឆ្នាំ ១៨៥០ មកម្លេះ ដោយដាក់រូប ប្រាសាទអង្គរវត្ត ពណ៌សនៅចំផ្ទៃកណ្តាល ។

ទង់ជាតិនៃព្រះរាជាណាចក្រកម្ពុជាមាន ៣ ពណ៌ ដែលមានន័យដូចគ្នានឹងបាវចនាជាតិគឺ «ជាតិ សាសនា ព្រះមហាក្សត្រ»

ពណ៌ស តំណាងឱ្យ សាសនា សន្តិភាព
ពណ៌ក្រហម តំណាងឱ្យ ជាតិគឺទឹកដីនិងប្រជាជន
ពណ៌ខៀវ តំណាងឱ្យ ព្រះមហាក្សត្រ និងព្រះអគ្គមហេសី

បទនគររាជ

បទនគររាជ
1st verse
សូមពួកទេវត្តា រក្សាមហាក្សត្រយើង
អោយបានរុងរឿង ដោយជ័យមង្គលសិរីសួស្តី
យើងខ្ញុំព្រះអង្គ សូមជ្រកក្រោមម្លប់ព្រះបារមី
នៃព្រះនរបតី វង្សក្សត្រាដែលសាងប្រាសាទថ្ម
គ្រប់គ្រងដែនខ្មែរ បុរាណថ្កើងថ្កាន។

2nd verse
ប្រាសាទសីលា កំបាំងកណ្តាលព្រៃ
គួរអោយស្រមៃ នឹកដល់យសស័ក្តិមហានគរ
ជាតិខ្មែរដូចថ្មគង់វង្សនៅល្អរឹងប៉ឹងជំហរ
យើងសង្ឃឹមពរ ភ័ព្វព្រេងសំណាងរបស់កម្ពុជា
មហារដ្ឋកើតមាន យូរអង្វែងហើយ។

3rd verse
គ្រប់វត្តអារាម ឮតែសូរស័ព្ទធម៌
សូត្រដោយអំណរ រំឮកគុណពុទ្ធសាសនា
ចូរយើងជាអ្នក ជឿជាក់ស្មោះស្ម័គ្រតាមបែបដូនតា
គង់តែទេវត្តា នឹងជួយជ្រោមជ្រែង ផ្គត់ផ្គង់ប្រយោជន៍ឱយ
ដល់ប្រទេសខ្មែរ ជាមហានគរ។

ខាងលើនេះ ជាបទភ្លេងគោរពទង់ជាតិ សម័យរាជានិយម

និពន្ធដោយសម្ដេច ព្រះមហាធារាធិបតី ជួនណាត

អត្ថន័យ

វគ្គទី១៖ការបួងសួងដល់ទេព្តាសូមជួយថែរក្សាព្រះមហាក្សត្រខ្មែរប្រកបដោយបារមី ខ្លាំងខ្លាមានទសពិធរាជធម៌ដែលបានដឹកនាំកសាងប្រាសាទអង្គរវត្តនិងគ្រប់គ្រងផែន
ដីខ្មែរតាំងពីបុរាណមកដោយរុងរឿង។

វគ្គទី២៖ប្រាសាទថ្មនៅកណ្តាលព្រៃធ្វើឲ្យយើងស្រមៃឃើញសម័យមហានគរដ៏រុងរឿង។
ជនជាតិខ្មែរមានជំហររឹងមាំដូចថ្ម បានធានាភ័ព្វព្រេងសំណាងរបស់កម្ពុជា។

វគ្គទី៣៖ការរំលឹកគុណព្រះពុទ្ធសាសនានៅគ្រប់ទីវត្តអារាមដែលជួយឲ្យប្រទេស ខ្មែរក្លាយជាមហានគរតាំងពីសម័យដូនតារៀងរហូតមកបើយើងជឿជាក់និងប្រតិបត្តិ
តាមដូនតាយើងនឹងថ្កុំថ្កើងរុងរឿងដូចសម័យមហានគរ។

ទង់ជាតិ	អំឡុងពេល	សម័យកាលប្រើប្រាស់
	១៨៦៣-១៩៤៨	ក្រោមអាណានិគមបារាំង
	១៩៤២-១៩៤៥	ក្រោមការត្រួតត្រារបស់ជប៉ុន
	១៩៤៨-១៩៧០, ១៩៩៣-បច្ចុប្បន្ន	សង្គមរាស្រ្តនិយម និង សព្វថ្ងៃ
	១៩៧០-១៩៧៥	សាធារណរដ្ឋ
	១៩៧៥-១៩៧៩	កម្ពុជាប្រជាធិបតេយ្យ(ប៉ុល ប៉ត)
	១៩៧៩-១៩៨៩	សាធារណរដ្ឋប្រជាមានិត
	១៩៨៩-១៩៩១	រដ្ឋកម្ពុជា
	១៩៩២-១៩៩៣	អ៊ុន តាក់